Субҳи рӯзи чоруми июни соли равон ҷаласаи ситоди кишоварзон бо иштироки раиси ноҳияи Бобоҷон Ғафуров Нӯмонзода Темурҷон дар коперативи тиҷоратии ба номи Турсунбой Қӯшатов баргузор карда шуд. Роҳбари ноҳия вазъи кунунии хоҷагидорону деҳқонони хоҷагиро таҳлил намуда, ҷиҳати дақиқгардонии маълумоти омории кишти пахта, кишти такрорӣ ва риояи меъёрҳои агротехникии парваришу нигоҳубини минбаъдаи он ба мутаххассисони соҳа дастуру супоришҳои мушаххас баён намуд.

Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар гиромидошти хотира ва корнамоии фарзандони фарзонаи миллати тоҷик, ки барои озодӣ, истиқлолият ва рушди давлати тоҷикон хизмати шоиста анҷом додаанд, ҳамеша таваҷҷӯҳи махсус зоҳир менамоянд. Ин эҳтиром на танҳо арҷгузорӣ ба гузашта, балки василаи муҳими табияи ватандӯстӣ, худшиносии миллӣ ва таҳкими ваҳдати милии ҷомеа мебошад.
Бо мақсади тарғиби ташаббуси навбатии Пешвои муаззами миллат муҳтарам Эмомалӣ Раҳмон дар хусуси аз оромгоҳи Донскойи шаҳри Москва ба дили Ватанамон – пойтахти кишвар, шаҳри Душанбе овардани хоки фарзандони миллат Қаҳрамонони Тоҷикистон Нусратулло Махсум, Шириншоҳ Шоҳтемур, инчунин чеҳраи барҷастаи фарҳангии таърихи миллат Нисор Муҳаммад дар маҷлисгоҳи қасри фарҳанги маркази ноҳияи Бобоҷон Ғафуров мулоқоти гурӯҳи тарғиботии мақомоти иҷроияи ҳокимияти давлатии вилояти Суғд бо фаъолони ноҳия ташкилу баргузор карда шуд.
Ҳамоиши мазкурро раиси ноҳияи Бобоҷон Ғафуров Нӯмонзода Темурҷон ифтитоҳ намуда, ҳадафҳои баргузории онро мушаххас баён намуд. Гуруҳи тарғиботии вилоятӣ дар ҳайати Шарифзода Аминҷон – сармуҳаррири рӯзномаи “Ҳақиқати Суғд”, Маҳмадалӣ Бахтиёр – ректори муассисаи давлатии таълими “Донишкадаи кӯҳию металургии Тоҷикистон”, Ҷовиди Аштӣ – раиси бахши суғдии Созмони Иттифоқи журналистони Тоҷикистон ва Солиҷонов Нодир – устоди муассисаи давлатии таълими “Донишгоҳи давлатии Хуҷанд ба номи академик Бобоҷон Ғафуров” дар заминаи ин иқдоми шоистаи Пешвои миллат, ки дар самти худшиносиву худогоҳии милли мардум саҳми бузург дорад, маълумоту андешаҳои ҷолиб баён намуданд.

Мутобиқ ба Қонуни Ҷумҳурии Тоҷикистон “Дар бораи рӯзҳои ид” рӯзи якшанбеи ҳафтаи аввали моҳи июн Рӯзи кормандони соҳаи хоҷагии манзилию коммуналӣ муқаррар гардидааст. Ба муносибати фарорасии ин ид раиси ноҳияи Бобоҷон Ғафуров Нӯмонзода Темурҷон роҳбарияти идораҳои ноҳиявии хоҷагии манзилию коммуналӣ ва кормандони сарраёсати ободониву кабудизоркунӣ, инчунин поккорони корхонаи фаръии хоҷагии коммуналии ноҳияро табрик намуда, ба зиёда аз 100 нафар маводи хӯрока тақдим намуд.

Раиси ноҳияи Бобоҷон Ғафуров Нӯмонзода Темурҷон дар ин рӯз арзу муроҷиатҳои 18 нафар шаҳрвандони ноҳияро мавриди баррасӣ қарор дода, ҷиҳати ҳалли муаммоҳои сокинони ноҳия дастуру тавсияҳои қонеъкунанда баён намуд.

Бахшида ба Рӯзи байналмилалии ҳифзи кӯдакон дар саҳни Қасри фарҳанги марказии ноҳияи Бобоҷон Ғафуров чорабинии идона баргузор гардид.
Раиси ноҳияи Бобоҷон Ғафуров Нӯмонзода Темурҷон аз намоиши ташкилнамудаи муассисаҳои томактабӣ ва варзишии ноҳия боздид намуда, ба кӯдакону наврасон туҳфаҳои идона тақдим кард.
Зимни суханронӣ зикр гардид, ки бо сиёсати хирадмандонаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар мамлакати соҳибистиқлоли мо ба ҳифзи кӯдакон, тарбия ва фароҳам овардани шароити мусоиди таҳсилу истироҳати онҳо таваҷҷуҳи махсус зоҳир гардида, тадбирҳои зарурӣ амалӣ карда мешаванд.
Таъкид шуд, ки Ҳукумати Ҷумҳурии Тоҷикистон аз рӯзҳои аввали соҳибистиқлолии кишвар Конвенсия оид ба ҳуқуқҳои кӯдак, Конвенсияи Созмони байналмилалии меҳнат оид ба барҳам додани шаклҳои вазнини меҳнати кӯдакон ва дигар санадҳои байналмилалиро эътироф намуда, дар ин замина санадҳои меъёрии ҳуқуқии миллиро ба талаботи онҳо мутобиқ гардонидааст.
Бо мақсади баланд бардоштани сатҳи донишандӯзӣ ва ҳарчи бештар фаро гирифтани кӯдакон ба муассисаҳои томактабӣ, корҳои бунёд, азнавсозӣ ва навсозии кӯдакистонҳо ҳамеша дар меҳвари таваҷҷуҳи мақомоти маҳаллии ҳокимияти давлатӣ қарор доранд. Ин раванд бахшида ба истиқболи ҷашни 35-солагии Истиқлоли давлатии Ҷумҳурии Тоҷикистон ва минбаъд низ идома хоҳад ёфт.
Дар фарҷоми чорабинӣ барномаи фарҳангии омоданамуда бо иштироки кӯдакони соҳибистеъдод пешкаши ҳозирин гардида, бо рақсу сурудҳои дилнишин фазои идонаро боз ҳам шукуҳмандтар намуд.