Машварати кории назди раиси ноҳияи Бобоҷон Ғафуров бо иштироки прокурори ноҳия Одиназода Саид ва намояндаи вобасташудаи мақомоти иҷроияи ҳокимияти давлатии вилояти Суғд, роҳбари дастгоҳи Раиси вилоят Самадӣ Биволида баргузор гардид.
Дар машварати мазкур масъалаҳои истифодаи самараноки заминҳои кишоварзӣ ва рафти кишту парвариши пахта мутобиқ нишондодҳои оморӣ ва структураи тасдиқшудаи кишти зироатҳо мавриди муҳокима қарор дода шуд. Баъди шунидани гузориши сардори раёсати кишоварзии ноҳия Каримов Абдураҳмон масъулони дахлдор оид ба камбудиҳои ҷойдошта пурсиш карда шуданд. Раиси ноҳия Нӯмонзода Темурҷон бо вазифагузориҳои мушаххас аз раисони ҷамоатҳо, роҳбарони хоҷагиҳои кишоварзӣ ва дигар шахсони мутасаддӣ андешидани тадбирҳои фавриро талаб намуд.
Машварати кории назди раиси ноҳия
