Рафти корҳои сохтмони бинои иловагии кӯдакистони Ғунча бахшида ба 35 солагии Истиқлолияти давлатии Ҷумҳурии Тоҷикистон. Бо мақсади беҳтар намудани шароити таълиму тарбия ва зиёд намудани фарогирии кӯдакон ба таҳсилоти томактабӣ, дар муассисаи таҳсилоти томактабӣ корҳои сохтмони бинои иловагӣ идома доранд. Айни замон корҳои сохтмонӣ тибқи нақша бо суръати хуб ҷараён дошта, сохтмончиён, бо масъулияти баланд барои дар муҳлати муқарраршуда ба анҷом расонидани иншоот талош менамоянд. Дар рафти сохтмон ба сифати корҳои иҷрошаванда, истифодаи масолеҳи босифат ва риояи талаботи меъёрҳои сохтмонӣ диққати ҷиддӣ дода мешавад. Бинои иловагӣ дорои утоқҳои таълиму тарбия, хобгоҳ, толори бозӣ, ҳуҷраҳои хизматрасонӣ ва дигар иншооти ёрирасон хоҳад буд. Пас аз ба истифода супоридани он барои қабули шумораи бештари кӯдакон имконияти мусоид фароҳам омада, шароити таълиму тарбия боз ҳам беҳтар мегардад. Сохтмони ин бино далели ғамхории давлату Ҳукумати Ҷумҳурии Тоҷикистон нисбат ба рушди соҳаи маориф ва тарбияи насли наврас мебошад. Бо анҷоми пурраи корҳои сохтмонӣ, кӯдакистон ба муҳити боз ҳам замонавӣ ва ҷавобгӯ ба талаботи имрӯз табдил ёфта, барои тарбияи кӯдакон шароити мусоид фароҳам хоҳад овард. Боварӣ дорем, ки бо дастгирии роҳбарият ва меҳнати софдилонаи сохтмончиён корҳои сохтмонӣ сари вақт ва бо сифати баланд анҷом ёфта, иншооти нав ба манфиати кӯдакон ва ҷомеа хизмат хоҳад кард.
Рафти корҳои сохтмони бинои иловагии кӯдакистони Ғунча бахшида ба 35 солагии Истиқлолияти давлатии Ҷумҳурии Тоҷикистон. Бо мақсади беҳтар намудани шароити таълиму тарбия ва зиёд намудани фарогирии кӯдакон ба таҳсилоти томактабӣ, дар муассисаи таҳсилоти томактабӣ корҳои сохтмони бинои иловагӣ идома доранд. Айни замон корҳои сохтмонӣ тибқи нақша бо суръати хуб ҷараён дошта, сохтмончиён, бо масъулияти баланд […]
