Зимни боздид Раиси ноҳия дар саҳни майдончаи бозии кӯдакон, воқеъ дар шафати бинои баландошёнаи маҳалла, бо раиси маҳалла Ӯктам Қодиров суҳбат намуда, масъалаҳои вобаста ба беҳтар намудани фаъолияти Кумитаи маҳалла ва ободонии ҳудуди онро мавриди баррасӣ қарор дод.
Таъкид гардид, ки барои фароҳам овардани шароити муносиб барои сокинон, бахусус кӯдакону наврасон, ҷойхонаи маҳалла, маҷлисгоҳи тобистона ва майдончаи бозии кӯдакон ба навсозӣ ва ободонӣ ниёз доранд.
Раиси ноҳия таъкид кард, ки ободонии маҳаллаҳо, фароҳам овардани муҳити муносиб барои зиндагии сокинон ва фароғати кӯдакону наврасон аз самтҳои муҳими корҳои созандагӣ ба ҳисоб меравад.
